प्रधानसेनापति थापा भारत जाँदै

काठमाडौं, २० पुस– प्रधानसेनापति पूर्णचन्द्र थापा आगामी शुक्रबार भारतको औपचारिक भ्रमणमा जाने भएका छन् । भारतका सेनाध्यक्ष विपिन रावतको निमन्त्रणामा उनी पहिलोपटक भारतको भ्रमणमा जान लागेका हुन् ।

भ्रमणका क्रममा भारतीय राष्ट्रपति रामनाथ कोविन्दले प्रधानसेनापति थापालाई भारतीय सेनाको मानार्थ महारथीको दज्र्यानी चिह्न प्रदान गर्ने छन् । नेपाल र भारतबीच एक अर्काे मुलुकका प्रधान सेनापतिलाई मानार्थ महारथीको दज्र्यानी दिने प्रचलन छ ।

प्रधानसेनापति थापाले भारतीय समकक्षी रावत, भारतका रक्षामन्त्री र सुरक्षा सल्लाहकारसित भेटवार्ता गर्ने कार्यक्रम छ । प्रधानसेनापति थापा माघ २ मा स्वदेश फर्कने छन् ।