दुई सचिवको सरुवा

काठमाडौं, १४ माघ– सरकारले दुई मन्त्रालयका सचिवको सरुवा गरेको छ । मन्त्रिपरिषदको पछिल्लो बैठकले स्वास्थ्य तथा जनसंख्या मन्त्रालयका सचिव (जनसंख्या) केदारबहादुर अधिकारीलाई उद्योग, वाणिज्य तथा आपूर्ति मन्त्रालयमा सरुवा गरेको छ । 

अधिकारीलाई वाणिज्य तथा आपूर्तिको जिम्मेवारी दिइएको छ । वाणिज्य तथा आपूर्ति सचिव चन्द्र घिमिरेलाई स्वास्थ्य तथा जनसंख्या मन्त्रालयमा सरुवा गरिएको छ । उनलाई जनसंख्याको जिम्मेवारी दिइएको छ ।