भक्तपुर, २० पुस– सत्तारूढ नेकपाका अध्यक्ष पुष्पकमल दाहालले विपन्नको उपचारका लागि सरकारले दिंदै आएको एक लाख सहयोग रकम वृद्धि गरी ५ लाख रुपैयाँ पु¥याउने बताएका छन् ।
भक्तपुरमा शुक्रबार नेपाल अर्बुद रोग निवारण संस्थाको २८ औं सभाको उदघाटन गर्दै उनले विपन्नको उपचारका लागि सरकारले ५ लाख रुपैयाँ सहयोग गर्न थालेपछि अब कोही पनि नागरिकले उपचार खर्चको अभावमा ज्यान गुमाउने अवस्था नआउने दाबीसमेत गरे ।
सरकारले विपन्नलाई उपचार खर्च रकमको सिमा कहिले बढाउँदै छ भन्ने चाहिँ उनले बताएनन् । सरकारले अस्पतालमा अर्बुद उपचारका लागि आवश्यक पर्ने अत्याधुनिक उपकरण उपलब्ध गराउने बताए ।
उनले उपकरण ल्याउन भइरहेको प्राविधिक जटिलता अन्त्य गर्न सरकारले आवश्यक कदम चालिरहेको जानकारी दिए । उनले अर्बुद रोग न्यूनीकरणका लागि जनचेतना फैलाउने अभियानलाई प्रभावकारी ढंगले अघि बढाउन आग्रह गरे ।
No comments:
Post a Comment