जबर्जस्ती विधेयक पारित गरिनु खेदजनक : विवेकशील साझा

चिकित्सा शिक्षा विधेयक पारितको घोर भत्सर्ना
काठमाडौं, १२ माघ– विवेकशील साझा पार्टी डा. गोविन्द केसीसँगको संझौता विपरितका प्रावधान समाविष्ट चिकित्सा शिक्षा विधेयक संघीय संसदबाट शुक्रबार जबरजस्ती पारित गरिएको भन्दै आपत्ति प्रकट गरेको छ ।
पार्टीका प्रवक्ता सूर्यराज आचार्यले शुक्रबार विज्ञप्ति जारी गरी शिक्षा र स्वास्थ्यजस्ता आधारभूत आवश्यकताको आफूलाई समाजवादी भन्ने सत्तारूढ दलबाट नै खिल्ली उडाइनु अत्यन्तै खेदजनक भएको टिप्पणी गरेको छ । ‘संसदीय सर्वोच्चताको गलत प्रयोग भएको छ । 

सिमीत नेता र व्यापारीको लगानी र मुनाफा सुरक्षित गर्न आम जनताको अहित हुने कार्य भएको छ’ विज्ञप्तिमा छ।