प्रधानमन्त्री स्वीटजरल्यान्ड प्रस्थान

काठमाडौं, ६ माघ– प्रधानमन्त्री केपी ओली आइतबार राति स्वीट्जरल्यान्ड प्रस्थान गरेका छन् । स्वीट्जरल्यान्डको डाभोसमा हुने विश्व आर्थिक मञ्चको ४९ औं वार्षिक बैठकमा सहभागी हुन उनी नेपाली प्रतिनिधिमण्डलको नेतृत्व गर्दै त्यसतर्फ गएका हुन् ।
माघ ८ देखि ११ सम्म हुने वार्षिक बैठकका दुई सत्रलाई प्रधानमन्त्रीले सम्बोधन गर्ने कार्यक्रम जानकारी परराष्ट्र मन्त्रालयले दिएको छ ।
सन् १९७४ देखि हुन थालेको विश्व आर्थिक मञ्चको डाभोस बैठकमा नेपालले पहिलोपटक प्रधानमन्त्रीस्तरमा भाग लिन लागेको हो । परराष्ट्र मन्त्रालयका अनुसार स्वीट्जरल्याण्ड भ्रमणका क्रममा प्रधानमन्त्रीले विभिन्न देशका सरकार प्रमुख तथा व्यवसायीहरूस“ग भेटवार्ता गर्ने कार्यक्रमसमेत छ ।
भ्रमण टोलीमा प्रधानमन्त्रीकी धर्मपत्नी राधिका शाक्य,परराष्ट्रमन्त्री प्रदीपकुमार ज्ञवाली,अर्थमन्त्री युवराज खतिवडा,परराष्ट्रसचिव शंकरदास बैरागीलगायत सामेल छन्।प्रधानमन्त्री माघ १२ मा स्वदेश फर्कने कार्यक्रम छ।