एसपी बढुवा गर्न प्रहरी नियमावली संशोधन

काठमाडौं, ३० पुस– सरकारले प्रहरी उपरीक्षक (एसपी) बाट प्रहरी वरिष्ठ उपरीक्षक (एसएसपी) मा बढुवा गर्न प्रहरी नियमावली संशोधन गरेको छ । नेपाल प्रहरीमा एसएसपी पद खाली भए पनि नियमावलीका कारण बढुवा गर्न नमिलेपछि गृह मन्त्रालयको प्रस्तावमा मन्त्रिपरिषदको आइतबार बसेको बैठकले संशोधन गरेको जानकारी स्रोतले दिएका छन् ।

्रप्रहरी नियमावलीमा एसएसपीमा बढुवा हुन एसपी पदमा कम्तीमा ४ वर्ष सेवा गरेको हुनुपर्ने प्रावधान थियो । त्यही प्रावधानका कारण १५ एसएसपी पद खाली भए पनि बहालवाला एसपी चार वर्ष सेवा अवधि नपुगकाले बढुवा गर्न नियमावली बाधक बनेको थियो । मन्त्रिपरिषदले नियमावली संशोधन गरी एसपी भएको तीन वर्ष पुगेपछि एसएसपीमा बढुवा हुने व्यवस्था गरेको छ ।

नियमावली संशोधनस“गै रिक्त एसएसपी पदमा बढुवा गर्ने बाटो खुलेको जानकारी गृह मन्त्रालय स्रोतले दिएको छ । नियमावली संशोधन नगरिएको भए एसएसपी बढुवा गर्न फागुनसम्म पर्खनु पथ्र्यो । सिनियर एसपीहरूको चार वर्ष सेवा अवधि फागुनमा मात्र पुग्छ ।