काठमाडौं, २८ पुस– प्रमुख प्रतिपक्षी कांग्रेसको भातृसंस्था तरुण दलले सातवटै प्रदेशको राजधानीमा (नेकपा) का अध्यक्ष केपी ओली नेतृत्वको सरकारविरुद्ध विरोध कार्यक्रम गर्ने घोषणा गरेको छ । वाइड बडी जहाज खरिदमा भएको अनियमितता, कञ्चनपुरकी बालिका निर्मला पन्तको बलात्कारपछि हत्यामा सरकारले दोषी पहिचान गर्न नसक्नु, भ्रष्टाचार रोक्न नसक्नुजस्ता मुद्दा सातै प्रदेशमा हुने विरोध सभामा तरुण दलले उठाउने जनाएको छ ।
दलका महासचिव भूपेन्द्रजंग शाहीद्वारा जारी विज्ञप्ति अनुसार प्रदेश नम्बर १ को विराटनगरमा माघ ८, प्रदेश नम्वर २ को जनकपुरमा माघ ९, प्रदेश नम्वर ३ को हेटौडामा माघ १०, गण्डकी प्रदेशको पोखरामा माघ ११, प्रदेश ५ को भैरहवामा माघ १२, कर्णाली प्रदेशको सुर्खेतमा माघ १३ र सुदरपश्चिम प्रदेशको धनगढीमा माघ १४ गते विरोध कार्यक्रम गर्ने तय गरिएको छ ।
No comments:
Post a Comment