काठमाडौं, १९ पुस– प्रमुख प्रतिपक्षी दल कांग्रेसको भ्रातृ संगठन नेपाल तरुण दलले टीकापुर हत्या घटनाका मुख्य योजनाकार रेशम चौधरीलाई सांसद पदको सपथग्रहण गराएकामा आपत्ति जनाएको छ । तरुण दलले बिहीबार नै विज्ञप्ति जारी गरी हत्याको अभियोगमा पुर्पक्षका लागि थुनामा रहेका चौधरीलाई जेलबाट निकालेर सपथ गराउ“दा संविधान र कानुनी शासनको ठाडो उल्लंघन भएको दाबी गरेको हो ।
‘२०७२ भदौ ७ गते टीकापुरमा भएको निर्मम र बर्बरतापूर्ण हत्याकाण्डमा मारिएका सात जना सुरक्षाकर्मी र नाबालकको हत्याका मुख्य दोषीको रूपमा कारवाही गर्नुको साटो उल्टै सम्मान स्वरुप शपथ गराउने कार्यले शान्ति सुरक्षा, दण्डहिनता र कानुनी राज्यको उपहास गरेको छ’ दलका महासचिव भूपेन्द्रजंग शाहीद्वारा जारी विज्ञप्तीमा छ ।
तरुण दलले सत्तास्वार्थका लागि हत्या गरिएका निर्दोष नागरिकका परिवारलाई थप पीडा दिने हर्कत नगर्नसमेत सरकारलाई चेतावनी दिएको छ ।
No comments:
Post a Comment