केसीको जीवन रक्षा गर : आयोग

काठमाडौं, ८ माघ– राष्ट्रिय मानव अधिकार आयोगले आमरण अनशनरत डा. गोविन्द केसीको जीवनरक्षा गर्न सरकारलाई अपिल गरेको छ । आयोगले मंगलबार वक्तव्यमार्फत चिकित्सा शिक्षासम्बन्धी विगतमा गरेका सम्झौतालाई गम्भीरतापूर्वक लिएर वार्ता र संवादका माध्यमबाट समाधान खोज्न आग्रह गरेको छ । वक्तव्यमा आयोग टोलीले महाराजगन्जस्थित शिक्षण अस्पताल पुगेर केसीलाई भेटदा स्वास्थ्य अवस्था कमजोर हु“दै गएको पाइएकाले उनको जीवनरक्षाका लागि सरकारको ध्यानाकर्षण गराइएको उल्लेख छ । केसी १४ दिनदेखि अनशनरत छन् ।