काठमाडौंं, १५ असोज– दसैंको पूर्वसन्ध्यामा केन्द्रीय राजधानी आउजाउ गर्ने प्रमुख नाका थानकोट–पिपलामोड सडक खण्डमा सोमबारदेखि सात दिनका लागि राति यातायात सेवा बन्द गरिएको छ । सडक डिभिजन कार्यालय काठमाडौं–२ का अनुसार उक्त खण्डमा सडक मर्मतसम्भार (अस्फाल्ट ओभरले) को काम सुरु भएकाले राति ८ बजेदेखि बिहान ५ बजेसम्म यात्रु र मालवाहक गाडी बन्द गरिएको हो ।
उक्त खण्डमा असोज २२ सम्म राती ८ बजेदेखि बिहान ५ बजेसम्म यातायात बन्द रहने महानगरीय ट्राफिक प्रहरी महाशाखाले जनाएको छ । उक्त खण्डको मर्मतसम्भारको काम कृष कन्स्ट्रक्सनले गरिरहेको जानकारी सडक डिभिजन कार्यालय, काठमाडौं–२ ले जनाएको छ ।
No comments:
Post a Comment