काठमाडौं, ७ साउन– प्रधानन्यायाधीश चोलेन्द्रशमशेर जबरा र रुसी सर्वोच्च अदालतका अध्यक्ष भ्याचेस्लाभ एम लेवेदेभबीच मंगलबार भेटवार्ता भएको छ । दुई जनाबीच नेपाल–रुसी महासंघको लामो समयदेखिको सम्बन्धबारे छलफल भएको जानकारी सर्वोच्च अदालतले दिएको छ । लेवेदेभ प्रधानन्यायाधीश जबराको निमन्त्रणामा चारदिने भ्रमणमा सोमबार नेपाल आएका हुन् ।
भेटमा प्रधानन्यायाधीश जबराले रुसी समकक्षीलाई नेपालमा न्यायपालिकाको योजनाबद्ध सुधारका रूपमा रहेको रणनीतिक योजना र कार्यान्वयनबारे जानकारी गराएका थिए । लेवेदेभले नेपालमा संविधान जारी भएर कार्यान्वयनको अवस्थामा रहेको र यसले नेपालको आर्थिक विकासमा समेत टेवा पु¥याउने विश्वास व्यक्त गरेका थिए ।
No comments:
Post a Comment