जेलबाहिर बसेर मुद्दा पुनरावलोकन गर्न पाऊँ भन्ने ठकुरीको निवेदन अस्वीकार
काठमाडौं, १९ असार– सर्वोच्च अदालतले नेपाल प्रहरीका पूर्वमहानिरीक्षक रमेशचन्द ठकुरीलाई बिहीबार राजधानीको डिल्लीबजार सदरखोर कारागार चलान गरेको छ । जेलबाहिरै बसेर मुद्दा पुनरावलोकन गरिपाऊँ भन्ने ठकुरीको निवेदनलाई अस्वीकार गरी अदालतले उनलाई जेल पठाएको हो ।
तत्कालीन प्रधानन्याधीश सुशीला कार्कीको बेन्चले २०७४ सालमा सुडानको डार्फरस्थित नेपाल प्रहरीको संयुक्त राष्ट्रसंघीय मिसनका लागि बन्दोबस्ती सामान (एपीसी) खरिदमा भ्रष्टाचार गरेको ठहर गर्दै ठकुरीलाई एक वर्ष कैद र ४० हजार रुपैयाँ जरिवाना तिराउने फैसला गरेको थियो । भ्रष्टाचारी ठहर भएपछि दुई वर्षदेखि ‘फरार’ ठकुरी धरौटी राखी जेलबाहिरै बसेर मुद्दा पुनरावलोकन गरिपाउ“m भनी निवेदन लिएर बिहीबार सर्वोच्च अदालत गएका थिए ।
सर्वोच्चले सुडान घोटालामा ठकुरीसहित पूर्वआईजीपीद्वय ओमविक्रम राणा, हेमबहादुर गुरुङ, पूर्वअतिरिक्त महानिरीक्षक (एआईजी) श्यामसिंह थापा र दीपकसिंह थाङदेनलाई समेत भ्रष्टाचारी ठहर गरेको थियो । सर्वोच्चले राणालाई दुई वर्ष कैद, ५० हजार रुपैयाँ जरिवाना, गुरुङ र ठकुरीसहित एआईजीलाई एक÷एक वर्ष कैद र जनही ४० हजार रुपैयाँ जरिवाना हुने फैसला गरेको थियो ।
ठकुरीबाहेक अरू सबै जना कैद सजाय भुक्तान गरेर छुटिसकेका छन् । अख्तियार दुरुपयोग अनुसन्धान आयोगले एपीसी खरिद प्रकरणमा ४४ करोड रुपैयाँ घोटाला भएको निष्कर्षसहित पूर्वआईजीपी, पूर्वएआईजी र ठेकेदार मनोज भारतीविरुद्ध मुद्दा दायर गरेको थियो ।
No comments:
Post a Comment