काठमाडौं, १७ मंसिर– भावी प्रधानन्यायाधीश नियुक्तिको सिफारिस गर्न सोमबार बसेको संवैधानिक परिषदको बैठक एजेन्डामा प्रवेश गरे पनि निर्णय नगरी स्थगित भएको छ ।
प्रमुख प्रतिपक्षी नेता एवं कांग्रेस सभापति शेरबहादुर देउवाको कार्य व्यस्तताका कारण परिषद बैठक कुनै निर्णय गरी स्थगन भएको जानकारी स्रोतले दिए ।
देउवा आफ्नो पार्टीको केन्द्रीय समिति बैठक रहेको भन्दै परिषदबाट बाहिरिएका थिए । प्रधानमन्त्री एवं परिषदका अध्यक्ष केपी ओलीले प्रधानन्यायाधीश नियुक्तिको सिफारिस गर्न मंसिर २२ मा अर्को बैठक बोलाएको जानकारी राष्ट्रियसभाका अध्यक्ष गणेश तिमल्सिनाले दिएका छन् ।
ओलीले परिषद बैठकमा न्याय परिषदबाट प्रधानन्यायाधीशका लागि योग्यता पुगेका सर्वाेच्च अदालतका दुई वरिष्ठ न्यायाधीश दीपकराज जोशी र चोलेन्द्रसमसेर राणाको नाम आएको जानकारी गराएका थिए । सर्वोच्चमा तीन वर्ष काम गरेको न्यायाधीशमात्र प्रधानन्यायाधीशका लागि योग्य संवैधानिक व्यवस्था छ ।
प्रधानन्यायाधीश ओमप्रकाश मिश्रले उमेर हदका कारण पुस १७ मा अनिवार्य अवकास पाउ“दैछन् । प्रधानन्यायाधीशसहित संवैधानिक पदाधिकारी रिक्त हुनु एक महिनाअघि नै नया“ नियुक्तिका लागि सिफारिस गरी संसदीय सुनुवाइका लागि पठाउनुपर्ने संवैधानिक व्यवस्था छ । जोशी प्रधानन्यायाधीशका लागि संसदीय सुनुवाइ समितिबाट अस्वीकृत व्यक्ति हुन् । न्याय परिषदले दुई जनाको सूची संवैधानिक परिषदमा पठाउ“दा जोशीको नाममा कैफियत लेखी यसअघि सुनुवाइ समितिबाट प्रधानन्यायाधीशमा अस्वीकृत भएकोसमेत उल्लेख गरेको छ । त्यही कारण परिषदको आगामी बैठकले प्रधानन्यायाधीशमा राणाको नाम सिफारिस गर्नु बाहेक अर्को विकल्प नरहेको स्रोतले उल्लेख गरेको छ ।
No comments:
Post a Comment