चार राजदूतको सुनुवाइ मंसिर २३ मा

काठमाडौं, १९ मंसिर– संघीय संसदको संसदीय सुनुवाइ समितिले भारतसहित चार देशका लागि प्रस्तावित राजदूतहरूको सुनुवाइ मंसिर २३ मा (आइतबार) गर्ने भएको छ । समितिको बुधबार बसेको बैठकले चार प्रस्तावित राजदूतविरुद्ध परेका उजुरीको अध्ययन गरी सुनुवाइको मिति तय गरेको हो ।
सरकारले निलाम्बर आचार्य (भारत), उदयराज पाण्डे (मलेसिया), कृष्णप्रसाद ढकाल (यूएई) र अञ्जान शाक्य (इजरायल) का लागि राजदूत सिफारिस गरेको छ । समितिले सुनुवाइअगाडि शुक्रबार उजुरीकर्तास“ग छलफल गर्नेछ । एक जना उजुरीकर्ताले ७६ देखि ३६ वर्षका व्यक्तिलाई राजदूत सिफारिस गर्नुको औचित्य सरकारले पुष्टि गर्नुपर्ने उल्लेख गरेका छन् । उनले उजुरीमा राजदूत सिफारिस गर्दा समावेशितालाई किन ख्याल नगरिएको भन्ने प्रश्नसमेत गरेको जानकारी संसद सचिवालय स्रोतले दिए ।