चिनियाँ नयाँ राजदूतमा होउ यान्छी

काठमाडौं, २५ मंसिर– चीनले आफ्नो विदेश मन्त्रालयकी  डेपुटी डाइरेक्टर जनरल होउ यान्छीलाई नेपालका लागि राजदूत प्रस्ताव गरेको छ । नेपालका लागि चिनियाँ राजदूत यू होङ आफ्नो कार्यकाल पूरा गरी स्वदेश फर्कंदैछन् । उनको ठाउँमा चिनियाँ सरकारले यान्छीलाई नियुक्त गर्ने निर्णय गरी एग्रिमाका लागि परराष्ट्र मन्त्रालयमा नाम पठाएको छ ।

चीनबाट विदेश मन्त्रालयको एसिया प्रसान्त क्षेत्र हेर्ने विभागकी डेपुटी डाइरेक्टर जनरल यान्छीको नाम राजदूतमा प्रस्ताव गरी एग्रिमोका लागि पत्र जानकारी परराष्ट्र मन्त्रालय स्रोतले दिएको छ । नेपालले एग्रिमा पठाएपछि उनी राजदूत भएर नेपाल आउने छिन् ।